az
en
Bu gün: 18 Oktyabr 2017
Ana səhifə    Mədəniyyət xəbərləri
Mədəniyyət xəbərləri

Bakıda Azərbaycanın Mədəniyyət və Turizm Nazirliyinin və UNESCO üzrə Milli Komissiyanın birgə seminarı Oktyabrın 29-da UNESCO-nun Dünya İrs Mərkəzinin təşkilatçılığı ilə “Park İnn” mehmanxanasında Azərbaycan Respublikasının Mədəniyyət və Turizm Nazirliyi və UNESCO üzrə Milli Komissiyanın birgə təşkilatçılığı ilə treninq-seminar öz işinə başlamışdır.

“Xəttatlıq, miniatür və keramika” Oktyabrın 23-də “Yeni Gallery” Bakı İncəsənət Mərkəzində “Xəttatlıq, miniatür və keramika” sərgisinin açılış mərasimi olacaqdır.

Tarix və mədəniyyət abidələriOktyabrın 22-də Beynəlxalq Mətbuat Mərkəzində “Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı” İctimai Birliyi (İB) “Tarix və mədəniyyət abidələri: qorunması, istifadəsi və bərpası barədə təlimatlar” kitabının təqdimatını keçirmişdir. AzərTAc xəbər verir ki, kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının vəsaiti hesabına çap edilmişdir.

“Prezident İlham Əliyev və mədəniyyət. 2008-2013” kitabının təqdimat mərasimi Oktyabrın 14-də Beynəlxalq Muğam Mərkəzində Mədəniyyət və Turizm Nazirliyinin, Azərbaycan Respublikası Prezidentinin İşlər İdarəsinin Prezident Kitabxanasının və Azərbaycan Dövlət Teleqraf Agentliyinin (AzərTAc) birgə layihəsi əsasında nəşr olunmuş “Prezident İlham Əliyev və mədəniyyət. 2008-2013” kitabının təqdimat mərasimi keçirilmişdir.

“Avropa İrs Günləri” layihəsi2013-cü ilin 27-30 sentyabr tarixində Azərbaycanda ilk dəfə olaraq "Avropa İrs Günləri" layihəsinə həsr olunmuş tədbirlər keçiriləcək. Hər il ölkəmizin müxtəlif regionlarında keçirilməsi nəzərdə tutulan tədbirlər bu il Şəki, Qax, Zaqatala və Balakən rayonlarını əhatə edəcək. Layihə çərçivəsində qeyd olunan rayonların məktəbliləri üçün "Tarix və mədəniyyət abidələrinin qorunması və bərpası" mövzusunda açıq dərslər keçiriləcək, gənclər üçün abidələrə və qoruqlara ekskursiyalar təşkil ediləcək və mədəni irsin qorunmasına dair kütləvi maarifləndirmə kampaniyası aparılacaq.

I Payız MəktəbiAzərbaycan Respublikasının Mədəniyyət və Turizm Nazirliyinin təşkilatçılığı ilə 2013-cü ilin 24-27 sentyabr tarixində keçirilən Memarlıq və arxeoloji abidələrin bərpası və konservasiyası sahəsində I Payız Məktəbi davam edir. Layihənin 24 sentyabr 2013-cü il tarixində keçirilmiş təntənəli açılış mərasimində Azərbaycan Respublikasının mədəniyyət və turizm nazirinin birinci müavini Vaqif Əliyev, Azərbaycan Milli Elmlər Akademiyasının Arxeologiya və Etnoqrafiya İnstitutunun direktoru Maisə Rəhimova, Azərbaycan Milli Elmlər Akademiyasının Memarlıq və İncəsənət İnstitutunun direktoru Ərtəgin Salamzadə, Azərbaycan Respublikasının Memarlar İttifaqının sədri Elbay Qasımzadə, Belçika Krallığının Lüvən Universitetinin Şərqşünaslıq İnstitutunun professoru, Kral tarix və incəsənət muzeyinin tədqiqatçısı Aleksandr Turovets çıxış edərək məktəbin əhəmiyyətindən danışmış, gənclərin mədəni irsin mühafizəsi və tədqiqində aktiv iştirak etməyə səsləmişlər.

Yeni dəfinə2009-cu ildən başlayaraq Azərbaycan–Almaniya beynəlxalq ekspedisiyası tərəfindən Mil-Qarabağ bölgəsində arxeoloji tədqiqatlar aparılır. Azərbaycan Milli Elmlər Akademiyası (AMEA) Arxeologiya və Etnoqrafiya İnstitutunun sektor müdiri, arxeoloji ekspedisiyanın rəhbəri Təvəkkül Əliyev AzərTAc-a bildirmişdir ki, neolit dövrünə aid məşhur Kamiltəpə yaşayış məskənində geniş qazıntı işləri ilə yanaşı, bölgənin arxeoloji xəritəsini tərtib etmək məqsədilə Füzuli, Beyləqan, Xocavənd və Ağcabədi rayonlarının ərazisində, xüsusilə Şpartı, Qarasu və Qarqarçay hövzələrində, Xonaşen dərəsi ətrafında kəşfiyyat-axtarış işləri də davam etdirilir.

Memarlıq və arxeoloji abidələrin bərpası və konservasiyası sahəsi

Sentyabrın 18-dən 25-dək Mədəniyyət və Turizm Nazirliyinin təşkilatçılığı ilə memarlıq və arxeoloji abidələrin bərpası, konservasiyası sahəsində düşərgənin təşkili nəzərdə tutulmuşdur.

Üzeyir Hacıbəylinin “Arşın mal alan” operettasıSentyabrın 8-də dünya kinosunun paytaxtı Los-Ancelesin səhnəsində dahi Azərbaycan bəstəkarı Üzeyir Hacıbəylinin məşhur “Arşın mal alan” operettasının premyerası olmuşdur. AzərTAc xəbər verir ki, “Arşın mal alan” operettasının ilk dəfə ABŞ-da səhnələşdirilməsi Azərbaycanın və Amerikanın mədəni həyatında əlamətdar hadisə olmuşdur. Bu, ölkəmizin rəhbərliyinin respublikamızın xaricdə təbliği, Azərbaycan haqqında həqiqətlərin beynəlxalq ictimaiyyətə çatdırılmasında yorulmaz fəaliyyəti, Heydər Əliyev Fondunun Azərbaycan xalqının zəngin mədəni irsinin təbliği istiqamətində gördüyü işlər sayəsində mümkün olmuşdur.

Martın 9-da Bakıda, Heydər Əliyev Mərkəzində “Muğam aləmi” III Beynəlxalq muğam festivalının təntənəli açılış mərasimi olmuşdur. Tədbirdə Heydər Əliyev Fondunun prezidenti, UNESCO-nun və İSESCO-nun xoşməramlı səfiri Mehriban xanım Əliyeva iştirak etmişdir.

123456789
Elanlar