Qubada XIX əsrə aid tarixi memarlıq abidələrindən olan “Tağlı körpü”nün əsaslı təmirinə başlanılmışdır. 1894-cü ildə Qudyalçay üzərində tikilmiş körpü Quba şəhərinin mərkəzi ilə Qırmızı qəsəbəni birləşdirir. O, zamanın ən dözümlü yol qovşağı olmuş körpüdən müasir dövrdə ağır tonnajlı yük maşınlarının keçməsi tarixi abidəni qəzalı vəziyyətə salmış və artıq 20 ilə yaxındır ki, buradan

“Bakı Gənclər Klubu” İctimai Birliyi Gənclər və İdman Nazirliyinin dəstəyi ilə həyata keçirdiyi “Tariximizi öyrənək, irsimizi qoruyaq!” layihəsi çərçivəsində “Alban tarixi gənclərin gözü ilə” mövzusunda sərgi təşkil etmişdir. Nazirliyin mətbuat xidmətindən AzərTAc-a bildirmişlər ki, gənclər və idman nazirinin müavini İntiqam Babayev sərginin açılış mərasimində çıxış edərək layihənin və sərginin Azərbaycan həqiqətlərinin beynəlxalq aləmdə təbliğində əhəmiyyətini vurğulamışdır.

Dekabrın 28-də Azərbaycan Mili Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində “Klassik Azərbaycan ədəbiyyatı və tariximiz” mövzusunda respublika konfransı keçirilmişdir. AzərTAc xəbər verir ki, konfransın plenar iclasını giriş sözü ilə açan muzeyin direktoru, AMEA-nın müxbir üzvü, Milli Məclisin deputatı Rafael Hüseynov tədbirin əhəmiyyətini diqqətə çatdırmış, klassik sənət nümunələrində yaşayan həqiqətlərin tarixi faktlar qədər dəyərli və real olduğunu söyləmişdir.

İqtisadi Əməkdaşlıq Təşkilatının (İƏT) “ECO Times” jurnalında Azərbaycanda toxuculuq sənətinin qədim və müasir formaları barədə məqalə dərc edilmişdir.

 Alman dilində elmi araşdırma məqalələrindən ibarət “Sovet Ittifaqının dağılması: səbəbləri, ətraf təsirləri, arxa planları” adlı kitab işıq üzü görmüşdür. Almaniyanın məşhur elmi nəşriyyatlarından olan “Nomos”da çapdan çıxmış bu kitab Almaniyadan, Avstriyadan və digər Avropa ölkələrindən postsovet regionu üzrə tanınmış mütəxəssislər tərəfindən yazılmışdır.

Dekabrın 19-da Muzey Mərkəzində Mədəniyyət və Turizm Nazirliyinin təşkilatçılığı ilə “Venesiya maskalarının sirləri” adlı sərgi açılmışdır. Sərginin ideya müəllifi və layihənin əlaqələndiricisi Muzey Mərkəzinin direktoru L.Vəzirovadır. Mədəniyyət və turizm nazirinin müavini Ə.Vəliyev açılış mərasimində çıxış edərək son illər ölkəmizdə keçirilən mühüm mədəniyyət tədbirlərindən söz açmışdır. Xüsusi olaraq bu sərgi üçün rəssamlar Venesiyaya həsr olunmuş yeni əsərlər yaratmışlar. Mərasimdə çıxış edənlər sərginin əhəmiyyətindən danışmış və diqqətə çatdırmışlar ki, burada ümumilikdə 65 müəllifin 95 işi nümayiş olunur.

SSRİ Elmlər Akademiyasının ilk azərbaycanlı müxbir üzvü, SSRİ Geologiya İdarəsinin rəisi, Stalinin geologiya məsələləri üzrə müşaviri olmuş görkəmli alim Əli Əmiraslanovun ömür yolundan bəhs edən “Kremlin müşaviri” sənədli filminin çəkilişləri başa çatmışdır. AzərTAc xəbər verir ki, filmin ssenarisini alimin qızı, tanınmış yazıçı-publisist E.Araslı və jurnalist M.Əliyev yazmışlar. Çəkilişləri Moskva və Bakıda aparılmış filmdə tanınmış aktyorlarla yanaşı, həvəskarlar da iştirak etmişlər. Filmdə dünya şöhrətli alimin geniş elmi və təşkilatçılıq fəaliyyəti, zəngin mənəvi dünyası, doğma Vətəni Azərbaycana məhəbbəti konkret fakt və detallarla əksini tapmışdır. Yaxın günlərdə filmin təqdimatı olacaq və televiziya ekranlarında göstəriləcəkdir.

Dekabrın 18-də Nizami Kino Mərkəzində Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında çəkilmiş “Nizami” sənədli filminin təqdimatı keçirilmişdir. AzərTAc xəbər verir ki, tədbir iştirakçıları əvvəlcə Azərbaycan Dövlət Rəsm Qalereyası tərəfindən Nizami Kino Mərkəzində dahi Azərbaycan şairi Nizami Gəncəvinin 870 illik yubileyinə həsr olunmuş qrafika əsərlərindən ibarət sərgiyə baxmışlar. Mədəniyyət və turizm nazirinin müavini Ədalət Vəliyev Prezident İlham Əliyevin “Dahi Azərbaycan şairi və mütəfəkkiri Nizami Gəncəvinin 870 illik yubileyinin keçirilməsi haqqında” 2011-ci il 23 dekabr tarixli Sərəncamı çərçivəsində ölkə daxilində və xaricində keçirilən tədbirlərdən, dünyanın bir çox

Rusiya Federasiyasının Dağıstan Respublikasında fəaliyyət göstərən Dövlət Azərbaycan Dram Teatrının yaradıcı kollektivi ölkəmizə qastrol səfəri çərçivəsində qubalılar qarşısında çıxış etmişdir. AzərTAc xəbər verir ki, teatrın kollektivinin rayon mədəniyyət evində nümayiş etdirdiyi gürcü klassiki Avkisenti Saqarelinin “Xanuma” tamaşası qubalı teatrsevərlər tərəfindən alqışlarla qarşılanmışdır. Tamaşada yaradıcı heyəti əsasən soydaşlarımızdan ibarət olan teatrın istedadlı və təcrübəli aktyorları ilə yanaşı, gənclər də rol almışlar. Teatrın direktoru, Dağıstan Respublikasının Əməkdar Mədəniyyət İşçisi Şahlar Xalikov bildirmişdir ki, belə tədbirlər Azərbaycan-Rusiya, eləcə də Azərbaycan-Dağıstan mədəni əlaqələrinin genişlənməsinə xidmət edir.

Xaçmazda tarix-diyarşünaslıq muzeyi üçün yeni binanın inşasına başlanılmışdır. Muzeyin direktoru Aqil Əlisultanov AzərTAc-a bildirmişdir ki, üçmərtəbəli bina şəhərin mərkəzində yerləşən Şəxsiyyətlər Parkının ərazisində inşa edilir. Ümumi sahəsi 3200 kvadratmetr olan binanın birinci mərtəbəsinin tikintisi başa çatmışdır. Milli üslubda inşa olunan muzeyin