az
en
Bu gün: 17 Dekabr 2018
Muzeyin YAP “Azərbaycan tarixçiləri” ilk ərazi təşkilatının növbəti yığıncağı keçirilmişdir
12 oktyabr 2018-ci ildə Milli Azərbaycan Tarixi Muzeyində YAP “Azərbaycan tarixçiləri” ilk ərazi təşkilatının növbəti iclası keçirilmişdir. Tədbiri açan YAP Səbail “Azərbaycan tarixçiləri” (Milli Azərbaycan Tarixi Muzeyi) ərazi ilk partiya təşkilatının sədri Pərvanə Əzimova çıxış edərək, 2016-2018-ci illərdə Azərbaycan Respublikası Prezidenti İlham Əliyevin Sərəncamlarına uyğun olaraq muzeydə multikulturalizm, İslam həmrəyliyi və AXC-nin 100 illiyi münasibətilə silsilə tədbirlərin keçirildiyini bildirdi. Təşkilat üzvlərinin bu tədbirlərdə aktiv iştirakı haqqında məlumat verdi. Daha sonra gündəlikdə duran məsələlərin müzakirəsinə keçildi. Yığıncaqda ilk olaraq təşkilatın 2018-ci ill üçün gördüyü işlərin hesabatı dinlənildi. Cari məsələlər, üzvlük haqqı, yeni namizədlərin təqdimatı, kənarda olan təşkilat üzvləri ilə əlaqələr, media ilə əlaqələrin genişləndirilməsi mövzuları və 2019-cu ilin planı müzakirə edildi. Həmçinin, YAP “Azərbaycan tarixçiləri” ilk ərazi təşkilatının loqosunun hazırlanması qərarlaşdırıldı.
Elanlar