Azərbaycan Respublikasının Prezidenti İlham Əliyev tərəfindən 2026-cı ilin “Şəhərsalma və Memarlıq İli” elan edilməsi ilə əlaqədar keçirilən tədbirlər çərçivəsində Milli Azərbaycan Tarixi Muzeyində maarifləndirici interaktiv dərs təşkil olunub. Tədbirdə Qərbi Kaspi Universitetinin tələbələri iştirak ediblər.

Dərs zamanı Muzeyin İnnovasiyalar və təhsil proqramları şöbəsinin baş mütəxəssisi Qənirə Qafarlı tərəfindən muzeyin yerləşdiyi tarixi bina- görkəmli xeyriyyəçi Hacı Zeynalabdin Tağıyevin yaşayış evi haqqında məlumat verilib. İştirakçılar binanın memarlıq üslubu, interyer və eksteryer xüsusiyyətləri, həmçinin Bakı şəhərinin şəhərsalma tarixindəki rolu ilə tanış olublar.

Tədbirin davamında tələbələr arasında H.Z.Tağıyev Sarayına həsr olunmuş “kviz” formatında bilik yarışı keçirilib.

 

Sonda tələbələr muzeyin zəngin ekspozisiyası ilə tanış olublar.