XƏBƏRLƏR
29 Yanvar, 2021
Muzeyə Qarabağ müharibəsinin şəhidi, polkovnik-leytenant Qərib Baxşəliyevə məxsus materiallar daxil olub
Muzeyə yeni daxil olmuş materiallar || Qarabağ müharibəsində şəhid olmuş polkovnik-leytenant Qərib Baxşəliyevə məxsusdur.
Əslən Laçından olan Baxşəliyev Qərib İnqilab oğlu, 1977-ci il may ayının 22-də Bakı şəhərində anadan olub, ailənin yeganə oğul övladı idi. O, 1984-1994-cü illərdə Bakı şəhəri Nərimanov rayonu 82 saylı orta məktəbdə təhsil alıb. 1995-ci ildə Bakı Ali Birləşmiş Komandanlıq Məktəbinə daxil olub və 1999-cu ildə həmin məktəbi zirehli tank silahları üzrə mühəndis-texnik ixtisası üzrə bitirib. 1999-cu ilin iyul ayından 2000-ci ilin dekabr ayına qədər Tərtər rayonunda 703 saylı hərbi hissədə motoatıcı taqım komandiri, 2000-ci ilin dekabr ayından 2002-ci ilin dekabr ayına qədər C.Naxçıvanski adına Hərbi Liseydə taqım komandiri, 2002-ci ilin dekabr ayından 2010-cu ilin yanvar ayına qədər C.Naxçıvanski adına Hərbi Liseydə tədris bölük komandiri, 2010-cu ilin yanvar ayından 2014-cü ilin fevral ayına qədər C.Naxçıvanski adına Hərbi Liseydə tərbiyəvi işlər bölməsində psixoloq vəzifələrində xidmət edib. 2014-cü ilin fevral ayından C.Naxçıvanski adına Hərbi Liseydə Şəxsi Heyətlə iş üzrə şöbənin psixoloqu-şöbə rəisinin baş köməkçisi vəzifəsində xidmət edib.
2016-2019- cu illərdə Naxçıvan Muxtar Respublikasında, daha sonra isə Bakıda Heydər Əliyev adına ali hərbi məktəbdə hərb tarixindən dərs deyib. Ordumuz üçün zabit heyətinin hazırlanmasında bilik və bacarıqlarını əsirgəməyib.
Sentyabrın 27-də başlayan Vətən müharibəsinə, iki gün sonra Q.Baxşəliyev də qoşulmuş, vətənə olan sevgisi onu daim mübarizəyə vadar etmişdir. Müharibənin ağırlığını, məsuliyyətini dərk edərək, döyüş zamanı yoldaşlarını daim ruhlandırmış, mənəvi, psixoloji gərginliyin aradan qaldırılmasında onlara dayaq durmuş, əsgərləri ilə böyük qardaş kimi rəftar etmişdir.
Vətən həsrətini, eləcə də Ermənistan işğalının xalqımızın başına gətirdiyi facələri
əsgərlərinə daim xatırladaraq, hər birində düşmənə qarşı mübarizə hissini, torpaqlarımızı azad edəcəkləri halda şanlı bir tarixin yazılmasinda paylarının olacağını onlara aşılamışdır.
Q.Baxşəliyevin simasında xoş bir aura, xasiyyətindəki mülayimlik, insanlara qarşı sevgı hissi onu "Qızıl adam" ləqəbi ilə tanıtdırmışdır.
Azərbaycan Ordusunun polkovnik-leytenantı Q.Baxşəliyev Vətən müharibəsi zamanı bir neçə rayonun azad olunması uğrunda döyüşlərdə iştirak etmişdir. O, noyabrın 3-də sonuncu dəfə Zəngilan ərazisində postları yoxlayan zaman səhvən düşmənin mühasirəsinə düşmüş, sonuncu gülləsinə qədər döyüşmüş və əsir düşməmək üçün özünü güllə ilə vururaraq şəhidlik zirvəsinə ucalmışdır.
Onun nəşi, bir aydan çox düşmənin girovluğunda qaldı. Uzun müddət davam edən danışıqlardan sonra şəhidin nəşi ailəsinə təhvil verildi. Dekabr ayının 8-də polkovnik-leytenant Q.Baxşəliyev II Fəxri Xiyabanda böyük izdihamla son mənzilə yola salındı.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Qərib Baxşəliyev ölümündən sonra "Vətən uğrunda" medalı ilə təltif edilib.
Qeyd edək ki, şəhid polkovnik-leytenant Q.Baxşəliyevin hərbi geyim dəstləri, hərbi çantası, hərbi kitabları və zabit gündəliyi, şəhidin ailəsi ilə görüşən Milli Azərbaycan Tarixi Muzeyinin elmi işçisi Sahibə Ələkbərova tərəfindən Muzeyə təqdim edilib. Yaxın zamanlarda "Gənc muzeyşünaslar və muzeysevərlər klubu"nun "Tarix yazan qəhrəmanlar" layihəsi çərçivəsində şəhidin ailəsi, döyüş yoldaşları və tələbələri ilə klub üzvlərinin görüşü təşkil olunmuşdur.
Təltifləri
(26.06.2001) — "Azərbaycan Silahlı Qüvvələrinin 10 illiyi" yubiley medalı
(24.06.2005) — "Qüsursuz xidmətə görə" 3-cü dərəcəli medalı
(26.06.2008) — "Azərbaycan Silahlı Qüvvələrinin 90 illiyi" yubiley medalı
(26.06.2010) — "Qüsursuz xidmətə görə" 2-ci dərəcəli medalı
(26.06.2013) — "Azərbaycan Silahlı Qüvvələrinin 95 illiyi" yubiley medalı
(26.06.2015) — "Qüsursuz xidmətə görə" 1-ci dərəcəli medalı
(26.06.2018) — "Azərbaycan Ordusunun 100 illiyi" yubiley medalı
(14.09.2020) — "Azərbaycan Silahlı Qüvvələri Veteranı" medalı
(15.12.2020) — "Vətən uğrunda" medalı (ölümündən sonra)
(24.06.2021) — "İgidliyə görə" medalı (ölümündən sonra)
(24.06.2021) — "Füzulinin azad olunmasına görə" medalı (ölümündən sonra)- (24.06.2021) — "Qubadlının azad olunmasına görə" medalı (ölümündən sonra)
Muzeyə Birinci Türkoloji Qurultayın 100 illiyi münasibətilə hazırlanmış xatirə suveniri təqdim olunub
ABB tərəfindən Milli Azərbaycan Tarixi Muzeyinə görkəmli Azərbaycan mütəfəkkiri və maarifçisi Mirzə Fətəli Axundzadənin XIX əsrdə hazırladığı əlifba l...
Ruandanın Gənclər və İncəsənət naziri Milli Azərbaycan Tarixi Muzeyində olub
VII Ümumdünya Mədəniyyətlərarası Dialoq Forumu çərçivəsində Bakıda səfərdə olan Ruanda Respublikasının Gənclər və İncəsənət naziri Dr. Utumatwishima J...
Tailand Krallığının Mədəniyyət Nazirliyinin nümayəndələri Muzeyi ziyarət ediblər
Bakıda keçirilən VII Ümumdünya Mədəniyyətlərarası Dialoq Forumunda iştirak etmək məqsədilə Azərbaycana səfər edən Tailand Krallığının mədəniyyət nazir...
XII Bakı Beynəlxalq Kitab Sərgisində Milli Azərbaycan Tarixi Muzeyinin nəşrləri təqdim olunur
XII Bakı Beynəlxalq Kitab Sərgisi çərçivəsində Milli Azərbaycan Tarixi Muzeyinin elmi nəşrləri ziyarətçilərin diqqətinə çatdırılır. Muzeyin stendində ...
Muzeyin əməkdaşının elmi məqaləsi beynəlxalq simpozium materialları toplusunda nəşr olunub
Milli Azərbaycan Tarixi Muzeyinin kiçik elmi işçisi Günel Ağa qızı Məmmədovanın “Azərbaycanın sovet dövründə hərbi elitası: müharibə və sülh konteksti...
Muzeyin əməkdaşı beynəlxalq konfransda iştirak edib
21 oktyabr 2026-cı il tarixində Xəzər Universitetində Türkiyə Əməkdaşlıq və Koordinasiya Agentliyi (TİKA) və universitetin birgə təşkilatçılığı ilə “Q...
Muzeydə “Şəhərsalma və Memarlıq İli”nə həsr olunmuş növbəti interaktiv dərs, kvest-kviz və ustad dərsi keçirilib
2026-cı ilin Azərbaycan Respublikasında “Şəhərsalma və Memarlıq İli” elan edilməsi ilə əlaqədar Milli Azərbaycan Tarixi Muzeyində Bakı Avropa Liseyini...
Muzey əməkdaşının məruzəsi beynəlxalq topluda nəşr edilib
Qars Qafqaz Universitetinin təşkilatçılığı, Xəzər Universitetinin ev sahibliyi ilə 29 aprel 2026-cı il tarixində Bakıda keçirilmiş “I. Uluslararası Tü...