Milli Azərbaycan Tarixi Muzeyi gənc nəslin təlim-tərbiyəsində hər zaman aparıcı mövqe tutub. Bu məqsədlə Muzeyin Elmi-kütləvi iş və təhsil şöbəsinin əməkdaşı Qənirə Qafarlının rəhbərliyi ilə keçirdiyimiz "Muzey eksponatları şagirdlərin rəngli dünyasında" adlı layihəmiz müsbət mənada geniş rezonans doğurmuşdur. Layihəmizin bu dəfəki sayı 18 may - Beynəlxalq Muzeylər Gününə həsr olunmuşdur. "Qarabağın sehirli xalçaları" adlı bu dəfəki sayımızın iştirakçıları olan S.C.Pişəvəri adına Respublika Humanitar Fənlər Gimnaziyasının şagirdləri - Gülnur Hüseynli, Zəhra Fərzəlizadə, Nicat Babaxayev, Fatimə Səfərəliyeva və Nəsimi rayon Texniki-Humanitar liseyin şagirdləri - Ayan Əliyeva, Sədaqət Nəcəfzadə, Çiçək Səfərova, Rəcəb Yusifov, Cəfər Orucov Muzeydə qorunan, Qarabağın mədəni irsini özündə ehtiva edən xalçaların şəklini çəkiblər.