AMEA Milli Azərbaycan Tarix Muzeyinin Elmi-kütləvi iş və təhsil şöbəsinin elmi işçisi, həmçinin “Gənc Muzeyşünaslar və Muzeysevərlər” klubunun rəhbəri Sahibə Ələkbərova Sosialmedia.az-a müsahibə verib. S.Ələkbərova gənclərin vətənpərvərlik ruhunda tərbiyə olumasında Milli Azərbaycan Tarixi Muzeyinin rolunun əhəmiyyətli olduğunu bildirib. Cəmiyyətin inkişafında mühüm rol oynayan amillərdən biri gənc nəsldə yüksək vətənpərvərlik hisslərinin formalaşdırılmasıdır.  Klub rəhbəri olaraq qeyd edib ki, Milli Azərbaycan Tarixi Muzeyində könüllü tələbələrdən ibarət “Gənc muzeyşünaslar və muzeysevərlər klubu”nun bir neçə üzvü “ Tarix yazan qəhrəmanlar” layihəsi çərçivəsində, torpaqlarımızın azad edilməsində, tarixi qələbənin qazanılmasında böyük sücaət göstərərək canını Vətən yolunda qurban verən igidlərimizin ailəsi ilə görüşlərə başlamışlar.

S.Ələkbərova  onu da vurğulayıb ki, Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi zəfərin nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Milli Azərbaycan Tarixi Muzeyinin Vətən müharibəsi fondu yradılmışdır. Bu fondda toplanmış I və II Qarabağ müharibəsində şəhid olan zabit və əsgərlərimizə və qazilərimizə məxsus döyüşdən qalan xatirə əşyaları qorunur.