Cəbhədəki böyük uğurlarımız, rəşadətli Azərbaycan ordusunun əzmlə irəliləməsi və işğal olunmuş ərazilərin azad edilməsi Azərbaycan cəmiyyətində vətənpərvərlik ruhunun artmasına səbəb olub.
Azərbaycan Dövlət Mədəniyyət və İncəsənət Universitetin müəllimi, istedadlı rəssam, Azərbaycan Rəssamlar İttifaqının üzvü, nüfuzlu sərgilərin iştirakçısı Mir Azər Abdullayev igid döyüşçülərin qəhrəmanlığına, saxta erməni təbliğatının ifşasına, tariximizin təhrif olunmasına dair bir sıra əsərlər yaradıb.
Milli Azərbaycan Tarixi Muzeyinin Elmi-kütləvi iş və təhsil şöbəsinin müdiri Fəridə Şəmsinin təklifi ilə Mir Azər Abdullayev vətənpərvərlik mövzusuna həsr olunmuş üç əsərini Muzeyə hədiyyə edib. Tarixi mövzuda çəkilmiş bu rəsm əsərləri tarixi faktları özündə əks etdirməklə gənc nəsildə vətənpərvərlik hisslərinin inkişafında böyük əhəmiyyətə malikdir.admiu.edu.az/new