Milli Azərbaycan Tarixi Muzeyinin Elmi-kütləvi iş və təhsil şöbəsinin elmi işçisi Sahibə Ələkbərova www.azerbaijan-news.az -a müsahibə verib. Qeyd edib ki, Muzeyin yeni yaradılan Vətən müharibəsi fondunda Zəfər qaliblərinin şəxsi əşyalarının toplanması işi davam edir. Həmçinin S.Ələkbərova müsahibəsində vurğulayıb ki, muzey xalqın tarixi yaddaş salnaməsi, eyni zamanda vətənpərvərlik təliminin, dövlətçilik ənənələrinin daşıyıcısı olan mədəniyyət mərkəzidir. Etiraf etməliyik ki, gənclərin düzgün istiqamətdə tərbiyəsində təhsil müəssisələri ilə yanaşı, mədəniyyət müəssisələrinin, xüsusilə də muzeylərin özünəməxsus rolu var.