Milli Azərbaycan Tarixi Muzeyinin maraqlı eksponatları arasında həmin şəhərlərdən birinin – Mingəçevirin 20 illiyinə həsr olunmuş bürünc medal da var. Medalın üstündə rus dilində “Mingəçevir şəhərinə, onun zəhmətkeşlərinə, Kür çayının fatehlərinə” sözləri həkk olunub, həmçinin külünglə dağ yaran kişi və bitkiləri sulayan qadın təsvir edilib. Bu eksponat Azərbaycanın coğrafiyasını, iqtisadiyyatının strukturunu, əhalisinin sosial tərkibini dəyişdirmiş yeni şəhərlərin salınmasından bəhs edir.