Azərbaycan Tarixi Muzeyinin direktoru, akademik Nailə Vəlixanlı APA-ya müsahibə verib. Alim müsahibədə bir sıra maraqlı məqamlara toxunub.

 – Nailə xanım, muzeyin işləri necədir, hansı yeniliklər var?

– Azərbaycan tarixinin öyrənilməsində muzeylərin rolu mövzusunda ənənəvi konfrans keçiririk. Bu ilki konfransı Azərbaycanın ilk peşəkar arxeoloq və muzeyşünası Davud bəy Şərifova həsr etdik. Muzeyin funksiyaları çoxdur. Onlardan biri də maarifləndirmə funksiyasıdır. İndiki dövrdə bir qədər artıq maariflənmək lazımdır. çünki bizim müxtəlif sahələrdə problemlərimiz var – mənəvi, maddi, siyasi və s. Biz də cəmiyyətin üzvü kimi hər hansı problemin həll olunmasında köməklik etmək istəyirik.strateq.az