Milli Azərbaycan Tarixi Muzeyinin Etnoqrafiya elmi fond şöbəsinin elmi işçisi Fatma Qəniyeva müəllifi olduğu “Çay dəsgahı” kitab-albomu və Azərbaycanın çay mədəniyyəti haqqında Mədəniyyət TV-nin “Xəbərlər” proqramına müsahibə verib. Gənc tədqiqtaçı müsahibəsində Azərbaycan xalqının sosial-mədəni həyatında mühüm rol oynayan çayın təkcə içki deyil, həm də insanlar arasında ünsiyyət elementi kimi sosial münasibətlərdə özünə yer tutduğunu vurğulayıb. Müəllif, həmçinin, muzey kolleksiyasında mühafizə olunan, çay dəsgahının əsas elementlərini təşkil edən maddi nümunələrdən- süfrə, samovar, çaynik, fincan dəstləri, sini və s. haqqında ətraflı məlumat verib.