Milli Azərbaycan Tarixi Muzeyinin elmi işlər üzrə direktor müavini, t.e.d., dosent Fərhad Cabbarov Qafqaz İslam Ordusunun Bakını işğaldan azad etməsi haqqında AZƏRTAC-a müsahibə verib. Tədqiqatçı-alim qeyd edib ki, "1918-ci ildə yenicə müstəqilliyini elan etmiş Azərbaycan Cümhuriyyəti hökuməti qarşısında duran başlıca vəzifə - Bakını düşmənlərdən azad etmək idi. Belə bir mürəkkəb şəraitdə milli hökumət qətiyyət göstərərək, Bakını yad qüvvədən azad etmək yolundan dönməyəcəyini nümayiş etdirdi. Bu yolda Azərbaycanın yanında olan yeganə dövlət Osmanlı Türkiyəsi idi. Qafqaz İslam Ordusunun zabit və əsgərləri hərb meydanında misilsiz şücaət göstərərək cəbhəboyu əks-hücuma keçib düşmənləri darmadağın etdilər. Bakı qurtuldu və azad olundu".