24–25 sentyabr 2026-cı il tarixlərində Türkiyənin Kayseri şəhərində yerləşən Erciyes Universitetində “VI. Uluslararası Türk Mezar Taşları Sempozyumu” keçirilib. Beynəlxalq simpoziumda Türkiyənin müxtəlif şəhərlərindən, eləcə də Azərbaycan, Qazaxıstan, Qırğızıstan, Türkmənistan, Monqolustan və digər ölkələrdən alim və tədqiqatçılar iştirak ediblər.
Simpoziumda Milli Azərbaycan Tarixi Muzeyini Arxeologiya elmi fond şöbəsinin böyük elmi işçisi, tarix üzrə fəlsəfə doktoru, dosent Həbibə Əliyeva təmsil edib. O, tədbirdə “Azərbaycanın Şərqi Zəngəzur bölgəsindəki qoç və at fiqurlu məzar daşları: işğaldan sonra epiqrafik irsin qorunması” mövzusunda elmi məruzə ilə çıxış edib.
Simpozium çərçivəsində türk dünyasının məzar daşları, epiqrafik irsi və tarixi-mədəni yaddaşı, eləcə də bu irsin tədqiqi və qorunması məsələlərinə həsr olunmuş müxtəlif elmi məruzələr təqdim edilib.
İsmayıllı rayonunun Basqal qəsəbəsi və Sulut kəndində görkəmli Azərbaycan arxeoloqu, tarix elmləri namizədi Fazil Osmanovun anadan olmasının 90 illiyinə həsr olunmuş “Tarixi yerlər və abidələr” VI Beynəlxalq Sulut Simpoziumu keçirilib.
Milli Azərbaycan Tarixi Muzeyində akademik Əbdülkərim Əlizadə və professor Sara Aşurbəylinin 120 illik yubileylərinə həsr olunmuş “TARİXİN ÖYRƏNİLMƏSİNİN VƏ TƏDRİSİNİN AKTUAL PROBLEMLƏRİ” mövzusunda respublika elmi konfransı keçiriləcək.