Milli Azərbaycan Tarixi Muzeyinin zəngin kolleksiyası əsasında “Azərbaycanın musiqi alətləri xəzinəsi” adlı yeni kataloqu işıq üzü görüb. Kataloqun elmi redaktoru muzeyin direktoru, akademik Nailə Vəlixanlı, mətnin müəllifi t.ü.f.d., dosent Gülzadə Abdulova, tərtibatçısı elmi işçi Aygün Quliyevadır (Bakı: Aspoliqraf, 2024, 48s.).

Kataloqda Milli Azərbaycan Tarixi Muzeyin fondlarında qorunan musiqi alətləri, fotoneqativlər, markalar və onlarla bağlı məlumatlar yer alıb.  Kataloqda, həmçinin, Azərbaycanda bədii ağacişləmə sənətinin inkişaf tarixindən, bu sənətin musiqi alətləri hazırlanmasındakı rolundan bəhs olunur.

Bu kataloq, tədqiqatçılar, musiqi həvəskarları və Azərbaycan mədəniyyəti ilə maraqlananlar üçün qiymətli bir mənbə olmaqla yanaşı, xalqımızın musiqi ənənələrinin ictimaiyyətdə tanıdılması baxımından da böyük əhəmiyyət daşıyır. Muzeyin kolleksiyasındakı musiqi alətləri Azərbaycan xalqının zəngin mədəni irsini əks etdirir və onların hər biri milli musiqi sənətimizin nadir incilərindən hesab olunur.