XƏBƏRLƏR
Geri
XƏBƏRLƏR -
Mühüm hadisələr
Çap et
05 Mart, 2021
Muzeydə müxtəlif dövrlərə aid idman kolleksiyaları mühafizə olunur

Hər il martın 5-i ölkəmizdə "Bədən Tərbiyəsi və İdman Günü" kimi qeyd edilir. Azərbaycanda "Bədən Tərbiyəsi və İdman Günü"nün məhz bu gün qeyd olunması təsadüfi deyil. 1995-ci il martın 5-də ulu öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşüb, İdman Fondunu təsis edib. Bununla da ölkəmizdə bədən tərbiyəsi və idmanın inkişafında yeni strategiyanın təməli qoyulub.

Milli Azərbaycan Tarixi Muzeyində Azərbaycanın müxtəlif dövrlərinə aid idman kolleksiyaları mühafizə olunur.  Azərbaycanın idman tarixində mühüm əhəmiyyət daşıyan eksponatlar ziyarətçilər tərəfindən böyük maraqla izlənilir.
Nümayiş olununan eksponatlar arasında XVI-XVIII əsrlərə aid millər (zorxana alətləri), çovqan oyunu miniatürü, pəhləvan şalvarı və zorxanada idman aləti kimi istifadə olunan bargirlər yer alır. Çovqan yarışlarının Azərbaycanda çox qədimdən məşhur olduğu faktlarla təsdiqlənir. Örənqalada aparılmış arxeoloji qazıntılar zamanı tapılan şirli qab üzərində çovqan oyununun təsvir edildiyi rəsm bu oyunun hələ IX əsrdə Beyləqan şəhərində yayıldığını əyani sübut edir.
 
Həmçinin qeyd olunmalıdır ki, 2014-cü ildə Azərbaycan Respublikasının əməkdar bədən tərbiyəsi və idman xadimi, Əməkdar məşqçi, güləş üzrə olimpiya kateqoriyalı hakim Şərifov Hicran İbrahim oğlu tərəfindən Milli Azərbaycan Tarixi Muzeyinə “qızıl fit” ali mükafatı və 2015-ci ildə Gənclər və İdman Nazirliyi tərəfindən Bakı 2015 Birinci Avropa Oyunlarında qazanılmış "qızıl medal" hədiyyə olunmuşdur. Həmin eksponatlar Azərbaycan idman tarixinin dəyərli incisi kimi Milli Azərbaycan Tarixi Muzeyində xüsusi mühafizə olunur.
 
Azərbaycan zəngin idman ənənələrinə malik olan bir dövlətdir. Bu ənənələrin minillik tarixi, enişli-yoxuşlu inkişaf yolu vardır. Bu gün Azərbaycan idmanı özünün ən uca zirvələrinin fəthinə doğru gedir. 
20 sentyabr Azərbaycanda neft sənayesi işçilərinin peşə bayramı kimi qeyd olunur.
Milli Azərbaycan Tarixi Muzeyinin Sənədli Mənbələr Fondunda ölkəmizdə neft sənayesinin inkişaf tarixi ilə bağlı zəngin materiallar qorunur. Azərbaycan...
18 sentyabr — Milli Musiqi Günü və Üzeyir Hacıbəyli ilə Müslüm Maqomayevin doğum günüdür

18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun doğum günüdür

Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
Bakının azad edilməsi: tarixi hadisənin muzey kolleksiyalarında izləri

1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Muzeydə doktoranturaya qəbul üzrə ixtisas imtahanı keçirilib

Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Muzeyin kollektivi H.Z.Tağıyevin məzarını ziyarət edib

Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.
2 iyul – Azərbaycanda Polisi Günü qeyd olunur
Bu gün Azərbaycanda Polisi Günü qeyd olunur. Xalqın təhlükəsizliyinin təmin edilməsində, ictimai asayişin qorunmasında, cinayətkarlığa qarşı mübarizəd...
Bu gün Vətən müharibəsi şəhidi Toğrul Bərxudarovun doğum günüdür
Toğrul  Məmməd oğlu Bərxudarov 1987-ci il iyunun 30-da Gəncə şəhərində anadan olub.  2020-ci ilin sentyabrın 27-də Azərbaycan Respublikasının ərazi bü...