Milli Azərbaycan Tarixi Muzeyində 28 may - Müstəqillik gününə həsr olunmuş “28 May –Müstəqilliyimizin şanlı tarixi” adlı intellektual tədbir keçirilib. Tədbirdə İdrak Liseyinin müəllim heyəti, şagirdləri və muzey əməkdaşları iştirak ediblər.

Tədbir Azərbaycan Dövlət Himninin səsləndirilməsi ilə başlayıb. Sonra muzeyin İnnovasiyalar və təhsil proqramları şöbəsinin müdiri Fəridə Şəmsi çıxış edərək, 28 may Müstəqillik gününün Azərbaycan tarixində mühüm, əlamətdar hadisə olduğunu qeyd edib və tədbirin əhəmiyyətindən danışıb. F.Şəmsi bildirib ki, Milli Azərbaycan Tarixi Muzeyində belə tarixi, əlamətdar günlər mütəmadi olaraq keçirilir və bu gənc nəslin maariflənməsində mühüm əhəmiyyət kəsb edir.

Sonra muzeyin əməkdaşı Aynur Babayeva “Cümhuriyyət dövrü tariximizin öyrənilməsi Milli Azərbaycan Tarixi Muzeyinin eksponatları əsasında” adlı mühazirə ilə çıxış edib(fotoslaydın müşayiəti ilə).

Daha sonra İdrak liseyinin şagirdləri arasında “Xəmsə” adlı intellektual oyun keçirilib.

Sonda tədbir iştirakçıları Muzeyin Azərbaycan Xalq Cümhuriyyəti dövrünü əks etdirən ekspozsiya zalı ilə tanış olublar.