Azərbaycan Respublikasının Türkiyə Respublikasındakı Mədəniyyət Mərkəzinin dəstəyi ilə cari ilin 4–7 oktyabr tarixlərində “Dildə, fikirdə, işdə birlik: Azərbaycan Türkiyə ortaq oxuma proqramı” layihəsi keçirilir.
Layihə çərçivəsində Türkiyənin lisey və universitetlərindən seçilmiş, Azərbaycan ədəbiyyatı ilə yaxından tanış olan 12 tələbənin də daxil olduğu 20 nəfərlik nümayəndə heyətinin Azərbaycana səfəri təşkil olunub.
Səfər proqramı çərçivəsində nümayəndə heyəti 6 oktyabr tarixində Milli Azərbaycan Tarixi Muzeyini ziyarət edib. Qonaqlar muzeyin ekspozisiyası ilə tanış olub, Azərbaycan tarixinin müxtəlif mərhələlərinə aid arxeoloji, etnoqrafik və digər maddi mədəniyyət nümunələri haqqında məlumat alıblar.
Muzeydə keçirilən ekskursiyanı “Azərbaycan tarixinin populyarlaşdırılması və ekskursiyaların təşkili” şöbəsinin ekskursiyaçısı Gülnarə Əzimova aparıb.
18 sentyabr Azərbaycan musiqi mədəniyyəti tarixində əlamətdar günlərdən biridir. 1885-ci ilin bu günü Azərbaycan professional musiqisinin inkişafında mühüm xidmətləri olan iki görkəmli bəstəkar — Üzeyir Əbdülhüseyn oğlu Hacıbəyli və Müslüm Məhəmməd oğlu Maqomayev dünyaya gəlmişdir. Onların zəngin yaradıcılıq irsi və çoxşaxəli fəaliyyəti milli musiqi mədəniyyətinin inkişafında mühüm yer tutur.
Şəhid baş gizir Yasən Əhmədovun xatirəsi Milli Azərbaycan Tarixi Muzeyində də yaşadılır.
1918-ci ilin sentyabr hadisələri Milli Azərbaycan Tarixi Muzeyinin kolleksiyalarında qorunan hərbi mükafatlar, arxeoloji tapıntılar və digər maddi nümunələr vasitəsilə də öz əksini tapır.
Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.