AMEA Milli Azərbaycan Tarixi Muzeyinin t.ü.f.d., dosent Bəhman Kərimov, Hədiyələr və xatirə əşyalar fondunun müdiri, əməkdar mədəniyyət işçisi Rəna Səfərovanın müəllifliyi ilə iki dəfə Sovet İttifaqı Qəhrəmanı general-mayor Həzi Aslanovun həsr olunmuş “Həyatı ilə əbədi şöhrət qazanan böyük sərkərdə” adlı kitab-albom işıq üzü görüb.
Qeyd edək ki, kataloqun elmi redaktoru Muzeyin elmi işlər üzrə direktor müavini, t.ü.e.d. Nərgiz Əliyevadır.
Əsasən, Milli Azərbaycan Tarixi Muzeyinin materialları əsasında hazırlanmış kitab-albomda Azərbaycan xalqının qəhrəman oğlu, II Dünya müharibəsində (1939-1945) göstərdiyi igidlik və sücaətə görə iki dəfə Sovet İttifaqı Qəhrəmanı adına layiq görülmüş tank qoşunları general-mayoru Həzi Aslanovun həyat və döyüş yoluna işıqlandırılmışdı.
Kitab-albomda Həzi Aslanovun Milli Azərbaycan Tarixi Muzeyində mühafizə edilən 33 adda kolleksiyası, həyat və fəaliyyəti, döyüş yolu haqqında məlumat verilmişdir.
Kitab-albom Milli Azərbaycan Tarixi Muzeyinin materialları əsasında Həzi Aslanovun həyat və fəaliyyəti, döyüş yolunun öyrənilməsinə dəyərli töhfədir.