09 yanvar 2015-ci il tarixdə AMEA Milli Azərbaycan Tarixi Muzeyinin Arxeologiya elmi fond şöbəsinin müdiri, t.ü.f.d. Nasir Quluzadə Azərbaycan televiziyasında efirə gedən “Səhər” proqramında çıxış etmişdir. Çıxışın əsas mövzusunu son günlərdə Muzeyin Arxeologiya fonduna daxil olmuş 73 ədəd arxeoloji material təşkil etmişdir.
Müsahibə çərçivəsində televiziya tamaşaçılarına həmin materialların təyinatı və tərkibi haqqında geniş və dolğun məlumat verilmişdir. Bildirilmişdir ki, fonda daxil olan əksər materiallar konservasiya və restavrasiya olunduqdan sonra elmi tədqiqata cəlb olunur. Müsahibə zamanı arxeoloji materialların bir qisminin nümayiş üçün Muzeyin ekspozisiyasına təhvil verilməsi haqda məlumat da diqqətə çatdırılmışdı.
Proqramda həmçinin AMEA Arxeologiya və Etnoqrafiya İnstitutunun aparıcı elmi işçisi, “Qarabağ neolit-eneolit arxeoloji ekspedisiyası”nın rəisi, t.ü.f.d. Xəqani Alməmmədov da iştirak edirdi. O, da müsahibə zamanı Qarabağ bölgəsində aparılan arxeoloji tədqiqatlarla, xüsusilə təqdim olunmuş 73 ədəd materialın dövrü ilə bağlı tamaşaçılara maraqlı məlumat vermişdir.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.