Azərbaycan tarixinin elmi ekspozisiyası şöbəsinin əməkdaşları Böyük Vətən Müharibəsi dövrünə aid yeni materiallar təqdim edir.

Bu materiallar arasında 416-cı atıcı diviziya sıralarında  kəşfiyyatçi kimi döyüş yolunu keçmiş, müharibənin sonunda isə Almaniya Reyxinin  keçmiş dəftərxanasına komendant təyin olunmuş kapitan Əziz Əlizadənin tək və qrup fotoşəkilləri (2 ədəd), Rusiyanın Kuban bölgəsində partizan hərəkatının fəal  iştirakçısı İsmayıl Ağalarovun işğalçılara qarşı mübarizəsini  əks etdirən fotoşəkil və sənədləri (14 ədəd), Yuqoslaviya  Müqavimət hərəkatı sıralarında bu ölkənin   azad olunması uğrunda  vuruşan və bu xidmətlərinə görə Yuqoslaviya Sosialist Federativ Respublikasının sədri, marşal İosip Broz Tito tərəfindən xatirə medalı ilə (müvafiq fərman materiallar arasındadır) təltif edilən Rza Orucovun müxtəlif sənədləri ( 9 ədəd), habelə dörd dəfə Sovet İttifaqı Qəhrəmanı, marşal  Georgi Jukovun kitab və fotoşəkilləri var (4 ədəd).