14.12.2016-cı il tarixində Milli Azərbaycan Tarixi Muzeyində Bilik Fondunun dəstəyi ilə "Anadoludan Qafqaza multikultural mədəniyyət körpülərimiz" adlı seminar təşkil edilmişdir.
Seminarda Qafqaz Universiteti “Azərbaycan Multikulturalizmi” Elm-Tədris Mərkəzinin müdiri, prof. Həbib Zərbəliyev, Mərkəzin baş elmi işçisi, prof. Minəxanım Təkləli və Muzeyin əməkdaşı Əli Fərhadov çıxış etmişdirlər. Tədbirdə Muzey və Qafqaz Universiteti “Azərbaycan Multikulturalizmi” Elmi-Tədris Mərkəzinin əməkdaşları, Maliyyə-İqtisad Kollecinin tələbələri iştirak etmişdir.
Tədbiri giriş sözü ilə açan Əli Fərhadov 2016-cı ilin cənab prezident İlham Əliyev tərəfindən multikulturalizm ili elan edilməsilə əlaqədar olaraq bu mövzuda ondan çox tədbirin bu il Muzeydə keçirildiyini vurğuladı. Natiq Qafqaz Universitetinin nəşrləri və Muzey eksponatları əsasında Türkiyə-Azərbaycan multikultural əlaqələrinin tarixi kökləri haqqında məlumat verdi.
Daha sonra çıxış edən prof. Həbib Zərbəliyev dövlətimizin multikultural siyasəti və Qafqaz Universiteti “Azərbaycan Multikulturalizmi” Elm-Tədris Mərkəzinin fəaliyyəti haqqında danışdı.
Prof. Minəxanım Təkləli isə Rusiya ilə Türk dünyası və Qafqaz arasındakı multikultural əlaqələr haqqında, türkəsilli Rusiya şair, mütəfəkkir və hərbi xadimləri haqqında çıxış etdi.
Tədbirin sonunda iştirakçıların sualları cavablandırıldı və bu kimi tədbirlərin gələcəkdə də davam edəcəyi bildirildi.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.