Milli Azərbaycan Tarixi Muzeyində məktəblilərin maarifləndirilməsi istiqamətində mütəmadi tədbirlər keçirilir. Bu istiqamətdə 20 dekabr 2016-cı il tarixində Səbail Rayon İcra Hakimiyyətinin və Milli Azərbaycan Tarixi Muzeyinin təşkilatçılığı ilə kitab təqdimatı keçirilmişdir.
Tədbirdə Səbail Rayon İcra Hakimiyyətinin başçısı Eldar Əzizov, Milli Azərbaycan Tarixi Muzeyinin direktoru, akademik Nailə Vəlixanlı, elmi işlər üzrə direktor müavini t.e.d. Nərgiz Əliyeva da iştirak etmişdir. Təqdimatı keçirilən “Heydər Əliyev və Azərbaycan tarixi” adlı kitab Səbail rayonunun bütün orta ümumtəhsil məktəblərində Ümumilli lider Heydər Əliyevin əziz xatirəsinə həsr olunmuş “Heydər Əliyev və Azərbaycan tarixi” mövzusunda keçirilən elmi-praktiki konfranslarda çıxış edən şagirdlərin elmi məqalələri əsasında hazırlanmışdır.
Tədbiri qiriş sözü ilə açan Səbail Rayon İcra Hakimiyyətinin başçısı Eldar Əzizov qeyd etmişdir ki, Heydər Əliyevin zəngin irsinin, Azərbaycan Respublikasının prezidenti cənab İlham Əliyevin Azərbaycan tarixindəki rolunun və vətən tariximizin dərindən öyrənilməsi məktəblilər arasında tarixə olan marağın artırılması məqsədini daşıyır. Təqdimatı keçirilən kitabın nəşrinin məqsədi də şagirdlərimizin gələcəkdə tariximizi daha dərindən öyrənmələrinə, onun ayrı-ayrı dövrlərinin araşdırmalarına marağını artırmaqdır.
Sonda tədbir iştirakçıları və məktəblilər Muzeyin elmi ekspozisiyası ilə tanış olmuş, Azərbaycan tarixi mövzusundakı nəzəri biliklərini Muzeydəki əyani vasitələrlə zənginləşdirmişdirlər.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.