Bakı Beynəlxalq Multikulturalizm Mərkəzində “Azərbaycanda multikulturalizm: biblioqrafiya” kitabının (Bakı, 2016, 504 səh.) təqdimatı keçirilib.
M.F.Axundov adına Azərbaycan Milli Kitabxanası tərəfindən tərtib edilən kitaba multikulturalizm mövzusunda keçirilən tədbirlər haqqında Azərbaycan dövri mətbuatında çap edilmiş materialların, məqalələrin və kitabların biblioqrafik məlumatları daxil edilib.
Təqdimatda Milli Məclisin deputatları, Bilik Fondunun, AMEA-nın, Azərbaycanda yaşayan müxtəlif etnik icmaların nümayəndələri iştirak etmişdir. Milli Azərbaycan Tarixi Muzeyinin Xarici əlaqələr və elmi-kütləvi iş şöbəsinin əməkdaşı Əli Fərhadov da tədbirdə iştirak etmişdir.
Sonda M.F.Axundov adına Azərbaycan Milli Kitabxanasının direktoru prof. Kərim Tahirov tərəfindən “Azərbaycanda multikulturalizm: biblioqrafiya” kitabı Muzeyə hədiyyə edilmişdir.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.