11 may 2017-ci il saat 14:00-da Milli Azərbaycan Tarixi Muzeyində "The Art Show" adlı rəsm sərgisinin açılışı keçiriləcək.
Cari ilin yanvar ayından Milli Azərbaycan Tarixi Muzeyi Xarici əlaqələr və elmi kütləvi iş şöbəsinin elmi işçisi Ləman Musayevanın rəhbərliyi ilə İSTƏK liseyinin rəsm dərnəyində “ART-İstedad” layihəsinə start verilmişdir. Layihənin məqsədi dərnək üzvlərinin Azərbaycan tarixinə marağını gücləndirmək, onlara maddi və mənəvi irsimizin qorunmasının vacibliyini aşılamaq və yeni nəsillərə tanıtmaqdan ibarət idi. L.Musayeva tərəfindən Muzey eksponatları əsasında xüsusi proqram tərtib olunmuş və çəkiləcək rəsmlər üçün mövzular seçilmişdir. Dörd ay (yanvar-may) ərzində dərnəyin istedadlı üzvləri tərəfindən çəkilən rəsm əsərlərini geniş ictimaiyyətə təqdim etmək üçün Muzeydə "The Art Show" adlı rəsm sərgisinin açılışı keçiriləcək.
Sərgi 11 may – 21 may tarixlərində davam edəcək, sərgiyə giriş pulsuzdur.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.