AMEA-nın Milli Azərbaycan Tarixi Muzeyinin Xarici əlaqələr və elmi-kütləvi iş şöbəsinin elmi işçisi Əli Fərhadov 2 iyun 2017-ci il tarixində İsmayıllı şəhərində keçirilən tədbirdə iştirak edib.
“İslam Həmrəyliyi İli” “Multikulturalizm İli”nin məntiqi davamı kimi” mövzusunda elmi-praktik konfrans Bakı Beynəlxalq Multikulturalizm Mərkəzinin (BBMM), Azərbaycan Respublikası Prezidenti yanında Bilik Fondunun birgə təşkilatçılığı və İsmayıllı rayon icra hakimiyyətinin dəstəyi ilə keçirilib, habelə “Multikulturalizm” jurnalının 2017-ci il üçün birinci sayının təqdimatı olub.
Konfransdan sonra İsmayıllıdakı regional Bilik Evində görüş keçirilib. İcra hakimiyyətinin başçısı Mirdaməd Sadıqov, “Multikulturalizm” jurnalının baş redaktoru Fəxri Uğurlu, Əli Fərhadov və digərləri çıxış ediblər.
Sonra qonaqlar İvanovka kəndinə səfər ediblər.
“Multikulturalizm” jurnalının yeni sayında Muzeyin əməkdaşı Əli Fərhadovun “Müsəlman həmrəyliyinin və multikulturalizmin mükəmməl ifadəsi” məqaləsi (s.55-57) yer alıb. Məqalədə Bakı qazısı əl-Bakuvi başda olmaqla Azərbaycan ziyalılarının multikultural görüşləri tədqiq edilib.
Muzey kollektivi adından Əli Fərhadovu təbrik edirik.
I Qarabağ müharibəsində şəhid olmuş Malik Kərəm oğlu Səlimli 1973-cü il mart ayının 6-da Şamaxı rayonunun Nərimankənd kəndində (indiki Qobustan şəhəri) anadan olmuşdur.