Milli Azərbaycan Tarixi Muzeyi əməkdaşlarının elmi məqalələri müntəzəm olaraq elmi jurnallarda çap olunur. Belə ki, Muzeyin elmi işçisi Əli Fərhadovun ““Şəbnamə” və Azərbaycan” qəzetlərinə baxış (XIX əsrin sonu – XX əsrin əvvəlləri)” adlı məqaləsi AMEA-nın “Xəbərlər, Humanitar elmlər seriyası”, 2017, № 2, s.71-78-də nəşr olunmuşdur. Məqalədə Cənubi Azərbaycanda XIX əsrin sonu Azərbaycan və fars dillərində nəşr olunan ilk milli satirik qəzet – “Şəbnamə” və XX əsrin əvvəllərində nəşr olunan “Azərbaycan” qəzeti haqqında geniş məlumat verilmiş, qəzet məqalələrindən nümunələr, fotoşəkillər təqdim edilmişdir. Muzey kollektivi adından Ə.Fərhadovu təbrik edir, yeni elmi uğurlar arzu edirik.