Milli Azərbaycan Tarixi Muzeyi daim xarici qonaqları özünə cəlb etməyə davam edir. Belə ki, 15 avqust 2017-ci il tarixində Tailand Krallığının Şahzadəsi Maha Çakri Sirindhorn və Krallığın rəsmi nümayəndələri Azərbaycana səfəri çərçivəsində Muzeyin qonağı olmuşdurlar. Muzeyin Elmi ekskursiya və sərgilərin təşkili şöbəsinin elmi işçisi, t.ü.f.d. Səidə Həmzəbəyova qonaqlara Azərbaycan tarixinin müxtəlif dövrləri barədə ətraflı məlumat vermiş, onları maraqlandıran sualları cavablandırmışdır. Şahzadə Muzeyə özünün müəllifi olduğu “Along the way of splendour” (“Gözəlliklər yolunda”) kitabını hədiyyə etmişdir. Muzeyin Xüsusi fondunun müdiri, t.ü.f.d. Afət Rüstəmbəyova Muzeyin nəfis tərtibatlı nəşrlərini Şahzadəyə hədiyyə etmişdir. Şahzadə gözəl qarşılamaya və hədiyyəyə görə Muzey nümayəndələrinə öz təşəkkürünü bildirmişdir.