Azərbaycanın aparıcı muzeylərindən olan Milli Azərbaycan Tarixi Muzeyi daim xarici qonaqların diqqət mərkəzindədir. Azərbaycanda iqtisadi əməkdaşlıq mövzusunda keçirilən beynəlxalq konfransda iştirak edən çinli alimlər muzeyi ziyarət ediblər. Çin İctimai Elmlər Akademiyasının prezidenti, akademik Van Veyquan, akademiyanın nümayəndə heyəti və Çin Xalq Respublikasının Azərbaycandakı fövqəladə və səlahiyyətli səfiri Vey Cinhuanı muzeyin direktoru, akademik Nailə Vəixanlı və Elmi-maarif və ekskursiyalar şöbəsinin müdiri, t.ü.f.d Bəxtiyar Sayılov qarşılayıblar. Sonra qonaqlara muzeyin ekspozisiya zallarında və H.Z.Tağıyevin ev muzeyində ekskursiya aparılıb. Çinli qonaqlar Azərbaycan tarixinin əyani sübutu olan maddi mədəniyyət nümunələri ilə yaxından tanış olublar. Sonda akad. Nailə Vəlixanlı qonaqlara muzeyin nəfis tərtibatlı nəşrlərini hədiyyə edib. Çinli qonaqlar muzey rəhbərliyinə öz minnətdarlığını bildirib və xoş təəssüratla ayrılıblar.