Milli Azərbaycan Tarixi Muzeyinin əməkdaşları mütəmadi olaraq yeni maarifləndirici təlimlərdə iştirak edirlər. Belə ki, muzeyin Xarici əlaqələr və elmi-kütləvi iş şöbəsinin əməkdaşları - t.ü.f.d. Bəhman Kərimov, t.ü.f.d. Fuad Ağayev və Elmira Əliyeva Elektron ensiklopediya - Vikipediya üzrə keçirilən təlimlərdə iştirak ediblər. Təlimdə Vikipediya proqramında məlumatların və məqalələrin yaradılması prinsipləri, qaydaları və üsullarının işlədilməsi, məlumat yerləşdirilməsi tədris olunub. Təlimin məqsədi elektron ensiklopediyada Azərbaycan tarixi və Milli Azərbaycan Tarixi Muzeyi ilə bağlı məlumatların yenilənməsi və yeni məlumatların daxil edilməsi funksiyalarını yerinə yetirməkdir. Muzey əməkdaşları tərəfindən artıq elektron ensiklopediyaya Azərbaycan tarixi və muzey haqqında önəmli məlumatlar yerləşdirilmiş, təkmilləşdirilmiş və redaktə olunmuşdur. Muzey əməkdaşlarına tariximizi və muzeyi təbliğ etdiklərinə görə təşəkkür edir, fəaliyyətlərində uğurlar arzulayırıq.