Muzeydə mühazirə təşkil edilmişdir Azərbaycan Dövlət Mədəniyyət və İncəsənət Universitetinin (ADMİ) Kulturalogiya fakültəsinin Muzeyşünaslıq ixtisası üzrə II kurs tələbələri Muzeydə keçirilən mühazirədə iştirak ediblər. “Muzeyşünaslıq-sənətşünaslıq vəhdəti” layihəsi cərçivəsində mühazirə Muzeyin aparıcı elmi işçisi, memarlıq üzrə fəlsəfə doktoru Nardanə Yusifova tərəfindən oxunmuşdur. Muhazirədə muzey eksponatlarına əhatəli olaraq yanaşma metodu əyani olaraq açıqlanmışdır. Muhazirədə əsas məqsəd humanitar fənlərin dəqiq fənlərə və ya əksinə, dəqiq fənlərin humanitar fənlərə inteqrasiyası Muzey eksponatları əsasında əyani olaraq tələbələrə çatdırılmışdır. Görüşdə Azərbaycan Dövlət Mədəniyyət və İncəsənət Universitetinin (ADMİ) dossenti, sənətşünaslıq üzrə fəlsəfə doktoru Qurbanova-Məlikova Elfira iştirak edirdi. Sonda dinləyicilərin mövzu ilə bağlı verdiyi çoxsaylı suallar məruzəçi tərəfindən ətraflı şəkildə cavablandırılmışdır. Muzeydə bənzər mühazirələrin digər universitet tələbələri üçün də davamlı olaraq keçirilməsi nəzərdə tutulmuşdur.