2013-cü ildən Milli Azərbaycan Tarixi Muzeyində görkəmli sahibkar və mesenat Hacı Zeynalabdin Tağıyevin (1838-1924) adını daşıyan klub fəaliyyət göstərir. 28 oktyabr 2017-ci il tarixində klubun növbəti məşğələsi təşkil edilmişdir. H.Z. Tağıyevin həyat və fəaliyyətinə həsr olunmuş məşğələ klubun tarixində ilk dəfə olaraq rus dilində keçirilmişdir. Klubun auditoriyasını 16 №-li texniki-humanitar lisey və 189-190 №-li tam orta məktəbin şagirdləri təşkil etmişdir. Muzeyin Xarici əlaqələr və elmi kütləvi iş şöbəsinin elmi işçiləri Fuad Ağayev və Ləman Musayevanın H.Z. Tağıyevin həyat və fəaliyyətini əks etdirən fotoşəkillərdən ibarət foto-slaydın müşaiyəti ilə keçirilən mühazirəsi böyük marağa səbəb olmuşdur. Tədbirin xüsusi qonağı olan H.Z.Tağıyevin nəticəsi Nazim Abdullayev də şagirdləri maraqlandıran sualları cavablandırmış, klubun fəaliyyətini yüksək qiymətləndirmiş və sonda iştirakçılarla xatirə fotosu da çəkdirmişdir. Məşğələdən sonra klub üzvləri “H.Z. Tağıyevin xatirə muzeyi”ni də ziyarət etmişdilər. Xatırladaq ki, “H.Z. Tağıyev klubu”nda məşğələlər hər ayın ilk və son şənbə günü saat 12:00-da keçirilir. Qeydiyyat üçün: 493 11 34 (bazar ertəsi-cümə, saat 11:00-16:00) Keçiddə göstərilmiş anketi doldurmaqla da qeydiyyatdan keçə bilərsiniz: https://clck.ru/AYNmt Hamınız dəvətlisiniz!