Milli Azərbaycan Tarixi Muzeyində 2013-cü ildən görkəmli sahibkar və xeyriyyəçi H.Z.Tağıyevin (1838-1924) adını daşıyan klub fəaliyyət göstərir. 4 noyabr 2017-ci il tarixində “Hacı Zeynalabdin Tağıyev klubu”nun növbəti məşğələsi təşkil edilmişdir. Tədbirdə Suraxanı rayonu 232 saylı tam orta məktəbinin və Cəbrayıl rayonu K.Məmmədov adına Böyük Mərcanlı kənd məktəbinin şagirdləri iştirak etmişdir. Muzeyin Xarici əlaqələr və elmi-kütləvi iş şöbəsinin elmi işçisi Ləman Musayeva “H.Z.Tağıyevin həyatı və ailəsi” mövzusunda mühazirə oxumuşdur. Fotoşəkillərdən ibarət foto-slaydın müşaiyəti ilə keçirilən mühazirə böyük marağa səbəb olmuşdur. Sonda məktəblilərin sualları L.Musayeva tərəfindən ətraflı cavablandırılmışdır. Tədbirdən sonra məktəblilər H.Z.Tağıyevin ev muzeyini və “Duyğularımın rəngi” adlı sərgini ziyarət etmişdirlər. Xatırladaq ki, “H.Z. Tağıyev klubu”nda məşğələlər hər ayın ilk və son şənbə günü saat 12:00-da keçirilir. Qeydiyyat üçün: 493 11 34 (bazar ertəsi-cümə, saat 11:00-16:00) Keçiddə göstərilmiş anketi doldurmaqla da qeydiyyatdan keçə bilərsiniz: https://clck.ru/AYNmt Hamınız dəvətlisiniz!