Milli Azərbaycan Tarixi Muzeyinin əməkdaşları ölkə daxilində olduğu kimi, ölkə xaricində də öz elmi nailiyyətləri ilə məşhurdurlar. Xüsusilə Muzeyin direktoru, akademik Nailə Vəlixanlının şərqşünaslıq və tarix elmindəki uğurları ona ümumdünya şöhrəti qazandırıb. Belə ki, İtaliyanın Florensiya şəhərində yerləşən Romualdo Del Bianko Fondu tərəfindən akad. N.Vəlixanlıya sertifikat təqdim edilib. Tarixçi alim, şərqşünas N.Vəlixanlı tarix elmindəki xidmətlərinə görə təltif olunub və fondun üzvlüyünə seçilib. Bu hadisə Muzeylə İtaliya elmi-mədəni müəssisələri arasındakı elmi əməkdaşlığın, mədəniyyət sahələrində əlaqələrin daha da inkişaf etdirilməsi üçün mühüm əhəmiyyət kəsb edir. Muzey kollektivi adından akad. N.Vəlixanlını təbrik edir, uğurlarının davamını arzu edirik.