Milli Azərbaycan Tarixi Muzeyinin əməkdaşları mütəmadi olaraq Azərbaycan elminə yeni əsərlər qazandırırlar. Belə ki, Muzeyin Xarici əlaqələr və elmi-kütləvi iş şöbəsinin aparıcı elmi işçisi, t.ü.f.d. Zərifə Dulayevanın həmmüəllifi olduğu «Сингапур глазами двух кавказцев в начале ХХ столетия и в начале ХХI века» (“XX yüzilin və XXI əsrin əvvəllərində Sinqapur iki qafqazlının gözləri ilə”) adlı kitabı rus dilində nəşr olunub. Rauf Hüseynzadənin də həmmüəllifi olduğu bu kitab XX əsrin və XXI əsrin əvvəllərində Sinqapurda olan iki qafqazlıının xatirələrinə həsr olunub. Kitabda Sinqapurun memorial abidələri, incəsənəti, mədəniyyəti haqqında məlumatlar yer almışdır. Qeyd olunub ki, Sinqapur bu gün həqiqətən dünyanın qeyri-adi şəhərlərindən biri olub, təkrarolunmaz aurası ilə “Asiyanın vitrini” hesab edilir. Muzey kollektivi adından t.ü.f.d. Zərifə Dulayevanı təbrik edir, yeni uğurlar arzu edirik.