Milli Azərbaycan Tarixi Muzeyinin əməkdaşları daim yeni elmi əsərləri ilə vətən tarixinin tədqiq və təbliğinə öz töhfələrini verirlər. Belə ki, Muzeyin Numizmatika və epiqrafika elmi şöbəsinin müdiri, professor, t.ü.e.d. Əli Rəcəbli “Azərbaycan sikkəsi milli dövlətçiliyimizin rəmzi kimi” kitab-albomunu çapa hazırlayıb. Kitab-albom Muzeyin zəngin numizmatik kolleksiyası və digər muzey kolleksiyalarının nadir numizmatik artefaktları əsasında ərsəyə gəlib. Nəşrdə Azərbaycan sikkəsinin tarixi mənbə kimi çoxəsrlik dövlətçiliyimizin ən mühüm atributlarından biri olduğu qeyd edilib. Eyni zamanda, kitab-albomda 2500 il ərzində zərb olunmuş və kəsilmiş bütün Azərbaycan pullarının nümunələri öz əksini tapıb. Muzey kollektivi adından t.ü.e.d., prof. Əli Rəcəblini təbrik edir, yeni elmi nailiyyətlər arzu edirik.