Rusiya Federasiyasının xalq artisti kamera müğənnisi Oleq Yevqeneviç Poqudin və onu müşayət edən nümayəndə heyəti Milli Azərbaycan Tarix Muzeyini ziyarət ediblər. Qonaqlar Muzeyin ekspozisiya zalları və görkəmli xeyriyyəçi, sahibkar H.Z.Tağıyevin ev muzeyi ilə tanış olublar. Rusiyalı müğənni Azərbaycan tarixini, mədəni irsini əks etdirən eksponatlarla ətraflı tanış olub və H.Z.Tağıyevin ev mülkündə yerləşən muzeyin arxitektur binası onun xüsusi marağına səbəb olub. Rusiyalı qonaqlar muzeydən xoş təəssüratlarla ayrılmışlar.