Milli Azərbaycan Tarixi Muzeyi görkəmli Azərbaycan hərbçilərinin materiallarını müntəzəm şəkildə toplayır, qoruyur və gənc nəsillərə hərb tariximizin yadigarı kimi təbliğ edir. Belə ki, Muzeyin Hədiyyələr və Xatirə əşyaları fondunda Azərbaycan Respublikasının Silahlı Qüvvələrinin ehtiyatda olan zabiti, baş leytenant Mehman Əhmədova məxsus materiallar (2002-2003-cü illər) Muzeyə daxil olmuşdur. M.Əhmədova məxsus əşyalar Muzeyin Elmi ekspozisiya və sərgilərin təşkili şöbəsinin müdiri, t.ü.f.d. S.Əhmədov tərəfindən Muzeyə təqdim edilmişdir. Qəbul olunmuş yeni materiallar – baş leytenanta məxsus paqon, qol şevronu, qan qrupu şevronu, hərbi şalvar, hərbi baş geyimidir. Bu eksponatların Muzeyə təqdim olunması və fondda mühafizəsi zəngin hərbi irsimizin qorunub yaşadılmasına və gələcək nəsillərə çatdırılmasına xidmət edir.