Milli Azərbaycan Tarixi Muzeyinin direktoru, akademik Nailə Vəlixanlı Aztv kanalında “Elm və innovasiya” proqramının qonağı olub. Tarixçi alim verilişdə muzeyinin yaranma tarixi, fəaliyyəti, muzey işi barədə ətraflı məlumat vermişdir. Muzeylər milli mədəniyyət nümunələrimizin qorunduğu məkan, maarifləndirici ocaqdır. Muzeydə aparılan elmi-tədqiqat işləri Azərbaycanda tarix elmini inkişaf etdirməklə yanaşı özünün başlıca vəzifəsini yerinə yetirir: muzeyin simasını-onun ekspozisiyasını formalaşdırır. Akademik qeyd edib ki, muzeyin 2020-ci ildə 100 illik yubileyinin keçirilməsinə hazırlıq işləri görülür. Bununla əlaqədar ekspozisiyanın yenilənməsi və muzeyin eksponatlarından ibarət kataloqların nəşri nəzərdə tutulub. Nailə xanım həmçinin bildirib ki, Hörmətli Prezident İlham Əliyevin 2018-ci ili “Azərbaycan Xalq Cümhuriyyət Ili” elan etməsi ilə əlaqədar muzeydə AXC dövrünün tarixini əks etdirən maarifləndirici silsilə tədbirlər keçirilir.