Cari ilin 22-23 fevral tarixlərində Milli Azərbaycan Tarixi Muzeyinin Xarici əlaqələr və elmi-kütləvi iş şöbəsinin müdiri Emin Dadaşov AMEA Rəyasət Heyəti və “Clarivate Analytics” agentliyi tərəfindən Akademiyanın 20 elmi müəssisəsinin əməkdaşları üçün “Web of Science” məlumat platforması üzrə sertifikasiya proqramında iştirak edib. Proqramda “Clarivate Analytics” təşkilatının elmi informasiya resursları üzrə ekspertləri Aygün Babazadə və İrina Tixonkova tərəfindən aparılır və iştirakçılara “Web of Science Core Collection”ın yaranma tarixi, əsas prinsipləri, istinadların analizi, jurnalların seçilməsi, məlumat bazası, axtarış sorğusunun tərtib edilməsi, sorğunun dəqiqləşdirilməsi və axtarış nəticələrinin analizi, nəticələr üzərində iş, müəllif və istinad olunma göstəriciləri, “ResearcherID” istifadəçisinin profili və s. barədə ətraflı məlumat verilib. Proqramın sonunda Muzeyin əməkdaşına çalışdığı təşkilatda “Web of Science” platforması üzrə məsul şəxs qismində fəaliyyət göstərmək imkanı verən sertifikat təqdim olunub