İngilis dilində nəşr olunan “İrs-Heritage” beynəlxalq jurnalının növbəti buraxılışında (№ 1-2 (33-34, spring 2018) Milli Azərbaycan Tarixi Muzeyinin əməkdaşlarının məqalələri dərc olunub. Muzeyin Elmi ekspozisiya və sərgilərin təşkili şöbəsinin müdiri, t.ü.f.d. Səbuhi Əhmədovun “National flag of the Republic of Azerbaijan” (“Azərbaycan Respublikasının Dövlət Bayrağı”, s.76-83) adlı məqaləsi, Köməkçi tarixi fənn materialları fondunun müdiri, t.ü.f.d. Sənubər Qasımovanın “Azerbaijan`s first postage stamps” (“Azərbaycanın birinci poçt markaları”, s.92-95) adlı məqaləsi və elmi işçi Sevil Qazıyevanın “Development of Azerbaijani musical theater in 1918-1920” (“Azərbaycan Musiqili Teatrının 1918-1920-ci illərdə inkişafı”, s.70-75) adlı məqaləsi jurnalın bu sayında yer alıb. Məqaləsi dərc olunan əməkdaşlarımızı təbrik edir, yeni elmi uğurlar diləyirik.