Milli Azərbaycan Tarixi Muzeyinin Silahlar və bayraqlar fondunun müdiri, t.ü.f.d., dosent Sevinc Vahabova və Arxeologiya elmi fond şöbəsinin müdiri, t.ü.f.d., dosent Nasir Quluzadə AzTV-nin “Səhər” verilişində iştirak etmişlər. Muzey əməkdaşları verilişdə Azərbaycan Cümhuriyyətinin və Silahlı Qüvvələrin 100 illiyi münasibətilə muzeydə keçirilmiş tədbirlər haqqında ətraflı məlumat vermişdir. Həmçinin, bu əlamətdar hadisələrlə bağlı muzey tərəfindən nəşr olunmuş kataloq, kitab, albom, açıqcalar haqqında, muzeydə keçirilən “Azərbaycanın istiqlal müjdəçiləri” və “Ordum varsa, yurdum var!” adlı sərgilər haqqında söhbət açmışlar. Qeyd olunmuşdur ki, mövzu üzrə nəşrlər və tədbirlər muzeydə mütəmadi davam etdiriləcəkdir.