Bu gün Çeçenistan Respublikasının Milli siyasət, xarici əlaqələr, mətbuat və informasiya naziri Canpolad Umarov və onu müşayət edən şəxslər Milli Azərbaycan Tarixi Muzeyinin qonağı olub. Rusiyalı qonaqlara muzeyin ekspozisiya zallarında və H.Z.Tağıyevin ev muzeyində ekskursiya aparılıb. Muzeyin Elmi katibi, t.ü.f.d, dos. Fərhad Cabbarov qonaqlara Milli Azərbaycan Tarixi Muzeyinin fəaliyyəti, H.Z.Tağıyevin xatirə muzeyi haqqında məlumat verib və onlara muzeyin nəfis nəşrlərindən olan H.Z.Tağıyevin kitab-albomunu hədiyyə etmişdir. Səmimi görüşdən məmnunluğunu ifadə edən qonaqlar muzeydən xoş təəssüratla ayrılıblar.