Milli Azərbaycan Tarixi Muzeyinin əməkdaşları – İctimaiyyətlə əlaqələr şöbəsinin baş mütəxəssisi, t.ü.f.d. Əli Fərhadov və baş laborant Gülnar Mirzəyeva Neftçala rayonunda keçirilən tədbirdə iştirak etmişdir. “Neftçalada qadınların sosial inkişafına dəstək” İctimai Birliyi tərəfindən təşkil olunan tədbir çərçivəsində Azərbaycanın Milli Qəhrəmanı, Aprel döyüşlərinin şəhidi, mayor Samid Gülağa oğlu İmanovun (1981-2016) ailəsi ziyarət edilmişdir. Tədbirdə ictimai xadim, şairə Gülqədəm Mirzəzadənin şəhid hərbçilərə həsr olunmuş “Səmavi” (Bakı, 2018) kitabından şeirlər səsləndirilmiş, Samid İmanovun şərəfli döyüş yolu və Qarabağ mövzusu ilə bağlı müzakirələr aparılmışdır. Sonda şəhid mayorun hərbi geyimi və “Səmavi” kitabı Muzeyə hədiyyə olunmaq üçün muzey əməkdaşlarına təqdim edilmişdir. Qeyd edək ki, şəhid mayor Samid İmanovun hərbi geyimi və “Səmavi” şeirlər kitabı Muzeyə təqdim edilmişdir.