AMEA Milli Azərbaycan Tarixi Muzeyinin Elmi ekspozisiya və sərgilərin təşkili şöbəsinin müdiri, t.ü.f.d. Səbuhi Əhmədov “Hədəf STEM” liseyində mühazirə oxumuşdur. Mühazirə “Azərbaycanın ilk admiralı Cəlil Cavadov” mövzusunda olmuşdur. Mühazirənin məqsədi admiralın həyatı və döyüş yolu haqqında məlumat verməkdir. Mühazirə zamanı Cəlil Cavadovun (1918-1980) həyatı ilə bağlı olan fotoşəkillərdən ibarət fotolar nümayiş olunmuş, şagirdlərin sualları cavablandırılmışdır. Mühazirədə muzeyin bir qrup əməkdaşı da iştirak etmişdir. Qeyd edək ki, liseyin şagirdləri rəsm müəllimi Naqiyə Rzayevanın rəhbərliyi altında admiral Cəlil Cavadovun həyat yolunu əks etdirən rəsmlər hazırlayacaq, daha sonra isə bu rəsmlər ayrıca sərgi şəklində təqdim ediləcəkdir. Həmçinin bu il admiral Cəlil Cavadovun 100 illik yubileyi də keçiriləcək.