AMEA Milli Azərbaycan Tarixi Muzeyində Azərbaycan Respublikası Prezidentinin müvafiq Sərəncamlarına uyğun olaraq milli-mədəni maarifçilik, multikulturalizm və islam həmrəyliyi mövzularında mütəmadi seminarlar təşkil edilir. Növbəti “Azərbaycanda islam mədəniyyəti tarixindən” adlı tədbir 30.10.2018-ci il tarixində, saat 11.00-da keçiriləcək. Muzeyin Elmi işlər üzrə direktor müavini, t.ü.e.d. Nərgiz Əliyeva – “Naxçıvan və orta əsrlər İslam mədəniyyəti tariximizdən”, t.ü.f.d. Tural Şiriyev – “Milli-mədəni irsin təbliğ edilməsinin gənc nəslin formalaşmasında rolu” və Sevinc Nəsirova – “İslam mədəniyyətinin toxuculuq məmulatlarında əksi” mövzularında çıxış edəcəklər. Həmçinin, t.ü.f.d. Əli Fərhadovun “Şimali Azərbaycanda islam maarifçiliyi hərəkatı – XIX-XX əsrin əvvəlləri” (Bakı, 2017, 304 səh. Elmi red: t.ü.e.d. İradə Bağırova) monoqrafiyasının tanıtımı və təqdimatı keçiriləcəkdir.