CBC TV kanalında general və yazıçı İsmayıl bəy Qutqaşınlya həsr olunmuş “Paqonlu maarifçi” adlı sənədli film (rus dilində) nümayiş etdirilib. Filmdə Milli Azərbaycan Tarixi Muzeyinin şöbə müdiri, t.ü.f.d., Səbuhi Əhmədov da iştirak edib. Belə ki, Azərbaycanın hərb və maarifçilik tarixində müstəsna yeri olan, XIX əsrin bu böyük mütəfəkkirinin həyat və döyüş yolu, səyahətləri haqqında danışılıb. Həmçinin, yazıçılıq və xeyriyyəçilik fəaliyyəti işıqlandırılıb. İ.Qutqaşınlının Rusiya Coğrafiya Cəmiyyətinin üzvü kimi elmi yaradıcılığından, “Rəşid bəy və Səadət xanım”, “Səfərnamə” kimi əsərlərindən bəhs olunub. T.ü.f.d. S.Əhmədova təşəkkür edir və gələcək fəaliyyətində uğurlar arzulayırıq.