«Qazaxıstan Neft və Qaz İnstitutu» Səhmdar Cəmiyyətinin baş direktorunun müşaviri, prof. Jaksıbek Kuleekeev AMEA Milli Azərbaycan Tarixi Muzeyini ziyarət edib. Qonağı muzeyin Ekspozisiyanın təhlükəsizliyi üzrə direktor müavini t.ü.f.d., dos.Həbibə Əliyeva qarşıladı. Qazaxıstanlı qonağa muzeyin tarixi barədə ətraflı məlumat verilib, bildirilib ki, Bakının ən gözəl memarlıq abidələrindən olan bu bina Azərbaycan milyonçusu, mesenat Hacı Zeynalabdin Tağıyevin mülkü olub. Qonaq Muzeyin ekspozisiya zalları ilə, Azərbaycan tarixinə aid muzeydə nümayiş etdirilən maddi mədəniyyət nümunələri ilə yaxından tanış olub. Buradakı eksponatlar onda zəngin təəssürat yaradıb. Qonaq ziyarətdən məmnun qaldığını bildirib, Azərbaycan və Qazaxıstan arasındakı tarixi, elmi-mədəni əlaqələrin davamını arzu edib. Sonda prof. J.Kuleekeevə muzeyin nəfis tərtibatlı nəşrləri hədiyyə edilib.