“Visions of Azerbaijan” jurnalının Azərbaycan Xalq Cümhuriyyətinin 100 illiyinə həsr olunmuş xüsusi nömrəsində Milli Azərbaycan Tarixi Muzeyinin şöbə müdiri, t.ü.f.d. Səbuhi Əhmədovun “How the Azerbaijan Democratic Republic built an army” (“Azərbaycan Demokratik Respublikası öz ordusunu necə qururdu?”) məqaləsi dərc olunub (s.36-39). Məqalədə 1918-1920-ci illərdə Azərbaycanda ordu quruculuğu prosesi haqqında məlumat verilmişdir. TEAS-ın 2006-cı ildə təsis etdiyi "Visions of Azerbaijan” jurnalı Azərbaycanı xarici ölkələrdə tanıntmaq məqsədilə dərc edilir. Burada Azərbaycanın tarixi, mədəniyyəti, adət-ənənələri, görkəmli şəxsiyyətləri, bu günün reallıqlarına həsr olunmuş məqalələr dərc edilir.