AMEA Milli Azərbaycan Tarixi Muzeyinin əməkdaşı, t.ü.f.d. Əli Fərhadov görkəmli xeyriyyəçi H.Z.Tağıyev haqqında müsahibə verib. “ATV Səhər” verilişində gedən müsahibədə bu dahi şəxsiyyətin həyatı və fəaliyyəti, maarifçilikdə oynadığı rol haqqında danışılıb. H.Z.Tağıyevin təşəbbüsü ilə açılan ilk dünyəvi müsəlman qızlar məktəbi, xeyriyyə cəmiyyətlərində oynadığı rol, ilk dəfə Azərbaycan dilinə tərcümə etdirdiyi Quran əsasında qazı əl-Bakuvi tərəfindən yazılan “Kəşfül-həqayiq” əsəri, nəşr etdirdiyi milli qəzet-jurnallar və digər ictimai əməlləri barədə geniş məlumat verilib. I Dünya Müharibəsində türk əsirlərin qurtuluşu və Azərbaycanın azadlığı üçün etdiyi xidmətlər qeyd edilib.